Sisan koho rɔ boi 31 rɔ, Bamaxɔ duun nɛi yɛ naun ni siija ra SILʼlɔ un siijarama blahan naa Badalabuhu. Kakereve sɔhɔi yɛ naun ni ì sa ra. Ɛ̀ɛ̀ naun ni ì sɔhɔi-sɔhɔi rɔ sa doun, vyɛ̀ jaha yɛ fɔ duun nɛi un siti rɔ kpazhema raa. Muhɔni muhɔ yɛ naun ni tɔ kpazhei rɔ kpa. Kpazhei rɔ kpahaun, muhɔnɔ yɛ teei rɛi foo, ì re yɛ i kakerʼlama rɛi zhe. Tɛi goo rɛi sanvoi, mùn yʼà joo, i duun nɛi yɛ naun fyeunsheenan iun lantaragoo rɛi lejahan nɔ un voma.
Zhizhan neheì yɛ seun tɔ kpazhei rɔ kpa, tɔ sɔhɔn sin nun.
